د امریکا مرکزي قوماندانۍ (سنټکام) ویلي، چې امریکايي ځواکونو د دغه هېواد د اعلی سرقوماندان په امر د ایران د پوځي اهدافو پر ضد د بریدونو نوی پړاو پیل کړی دی.
سنټکام په یوه خبرپاڼه کې ویلي، چې دغه بریدونه د امریکا د ختیځ وخت (ET) له مخې د ماښام په ۵:۳۰ بجو پیل شوي دي.
د خبرپاڼې له مخې، د دې عملیاتو موخه د ایران د هغو پوځي وړتیاوو لا کمزوري کول دي، چې د سیمې له اوبو څخه د تېرېدونکو ملکي او سوداګریزو بېړیو لپاره ګواښ بلل کېږي.
سنټکام د بریدونو د هدف ګرځېدلو ځایونو او یا هم د احتمالي زیانونو په اړه نور جزییات نه دي خپاره کړي.
