د طالبانو د ټولګټو چارو وزارت وايي، په تېر ۱۴۰۲ لمریز کال کې د افغانستان د اوسپنې پټلۍ له لارې ۷ میلیونه، ۶۰۲ زره او ۴۱۹ مټریک ټنه توکي لېږدول شوي، چې د ۱۴۰۱ کال په پرتله ۷۷.۹ سلنه زیاتوالی ښيي.
د یاد وزارت په وینا، په دغو انتقالاتو کې ۳۶ زره او ۱۱۹ مټریک ټنه د
افغانستان صادرات دي، چې پکې وچه مېوه، وریجې، معدني ډبرې، کچالو، د انارو جوس او
د سبزیجاتو تخمونه شامل دي، او پاتې نور د نفتي او غیر نفتي توکو واردات جوړوي.
په خبرپاڼه کې راغلي چې دغه انتقالات د حیرتان، آقینې، تورغونډۍ او
خواف–هرات د اوسپنې پټلۍ له لارو ترسره شوي دي.
دا په داسې حال کې ده چې د طالبانو له بیا واک ته رسېدو وروسته د
اوسپنې پټلۍ له لارې د سوداګریزو انتقالاتو پر پراختیا ټینګار شوی او هڅې روانې دي
چې د سیمې له هېوادونو سره د رېل پټلۍ اړیکې نورې هم پراخې شي.
