د طالبانو د کانونو او پټرولیم وزارت ویاند همایون افغان وايي، د جوزجان ولایت اړوند د امو دریا نفتي حوزې په زمرد سای سیمه کې له پنځو نوو کېندل شویو څاګانو څخه د نفتو استخراج پیل شوی دی.
افغان پر خپل ایکس پاڼه لیکلي چې دغه استخراج پرون (دوشنبه) هغه مهال
پیل شو، کله چې د وزیرانو شورا د اقتصادي مرستیال ملا عبدالغني برادر اخند، د
کانونو او پټرولیم وزیر ملا هدایتالله بدري او یو شمېر نورو چارواکو جوزجان ولایت
ته سفر کړی و.
د هغه په وینا، له دغو پنځو څاګانو څخه به په ورځني ډول شاوخوا ۵۰۰
متره مکعبه نفت استخراجېږي.
