د طالبانو د کلیو د بیارغونې او پراختیا وزارت وایي، د کنړ ولایت د نورګل ولسوالۍ په مزار درې سیمه کې د ۲۳ میلیونه افغانیو په لګښت یو کلیوالي سړک جوړ او ګټې اخیستنې ته سپارل شوی دی.
د یاد وزارت په وینا، دغه سړک شاوخوا ۱۵ کیلومتره اوږدوالی لري، چې د
جوړولو پر مهال یې لسګونو کسانو ته د کار زمینه هم برابره شوې وه.
مسوولین زیاتوي، د سړک په بشپړېدو سره د سیمې اوسېدونکو ته د تګ راتګ
په برخه کې اسانتیاوې رامنځته شوې او تمه ده چې د خلکو پر ورځني ژوند او اقتصادي
فعالیتونو مثبت اغېز ولري.
د طالبانو حکومت په دې وروستیو کې په بېلابېلو ولایتونو کې د بنسټیزو پروژو
د پلي کېدو خبره کوي، چې هدف یې د کلیوالو سیمو پراختیا او د خلکو د ژوند
اسانتیاوې بلل کېږي.
