د طالبانو سترې محکمې په زابل او میدان وردګ ولایتونو کې پر پنځو کسانو د بېلابېلو تورونو له امله تعزیري سزاوې تطبیق کړي دي.
د یادې محکمې محکمې نن دوشنبه د حمله په ۲۴مه په
خبرپاڼه کې ویلي دي، چې په زابل ولایت د
شاه جوی ولسوالۍ کې یو کس د «غلا» په تور د ابتدائیه محکمې له پرېکړې وروسته په
درې کاله تنفیذي بند او ۳۹ درو محکوم شوی و، چې دا حکم د طالبانو د سترې محکمې له
تایید وروسته پر نوموړي عملي شوی دی.
بلخوا، په میدان وردګ ولایت د سیدآباد ولسوالۍ ابتدائیه محکمې د
پرېکړې له مخې، د یوې ښځې په ګډون څلور کسان د «زنا او لواطت» په تور په عام محضر
کې مجازات شوي دي.
د معلوماتو له مخې، یاد کسان هر یو په دوه کاله تنفیذي بند او ۳۹ ـ ۳۹
درو محکوم شوي وو، چې د دوی له لوري د پرېکړې له منلو او د طالبانو د سترې محکمې
له تایید وروسته پرې تطبیق شوې ده.
طالبان په وروستیو کلونو کې څو ځله په عام محضر کې پر تورنو کسانو د درو وهلو سزاوې تطبیق کړې دي، چې دغه اقدامونه تل د
بشري حقونو د بنسټونو او نړیوالې ټولنې له غبرګونونو سره مخ شوي دي.
