د روغتیا نړۍوال سازمان زیاته کړې هغه کسان چې د وینې لوړ فشار لري، کولی شي د ځینو مواردو په مراعاتولو سره یې کنټرول کړي، لکه سګرټ پرېښودل، د مالګې مصرف کمول، د کیفیت لرونکي خوب زیاتول او د فشار کمول.
د وینې لوړ فشار هغه وخت رامنځته کېږي چې د وینې له خوا پر رګونو دیوالونو فشار د اوږدې مودې لپاره لوړ پاتې شي؛ یو خاموش او بېعلامته حالت کهچېرې درملنه یې ونه شي، د زړه سکتې، د مغزي سکتې، د ګردو ناکامۍ او سترګو ته زیان رسولو خطر زیاتوي.
د دغو ناروغۍ لاملونه کولای شي د مالګې، غوړو او پروسس شویو خوړو زیات مصرف، اضافه وزن او کم حرکت، د تمباکو او الکولو کارول، مزمن فشار، کم خوب، او همدارنګه بدلېدونکي عوامل لکه د عمر زیاتوالی، کورنۍ سابقه او ځینې ناروغۍ (شکر او د ګردو ناروغۍ) وي.
