له پولیو څخه پاک افغانستان بنسټ وايي چې د ننګرهار ولایت په ۱۷ او د نورستان ولایت په ۴ ولسوالیو کې د پولیو کمپاین پیلیږي.
د دغه سازمان په وینا، یاد کمپاین نن (شنبه، د تلې ۵مه) په دغو ولسوالیو کې پيلېږي.
سازمان زیاته کړې ده چې د ماشومانو د ګوزڼ ضد واکسین به هم په ستنې (تزریقي) او هم د
څاڅکو (قطرې) په ډول تطبیق شي.
سره له دې، یاد سازمان د هغو ماشومانو د شمېر په اړه چې ټاکل شوې په
دغو ولسوالیو کې واکسین شي، معلومات نه دي ورکړي.
افغانستان او پاکستان د هغو لږو هېوادونو له ډلې دي چې د پولیو ناروغي
پکې تراوسه په بشپړه توګه له منځه نه ده تللې.
