کابل ټریبیون (کېټي) — د قرغیزستان رسنیو د دغه هېواد د بهرنیو چارو وزیر جنبیک کولوبایف له قوله راپور ورکړی، چې د اروپا ځینو هېوادونو وړاندیز کړی څو قرغیزستان د افغان او افریقايي کډوالو منلو ته غاړه کېږدي او په بدل کې یې اروپايي هېوادونه د قرغیزستان ماهر کارګران ومني.
کولوبایف ویلي، قرغیزستان له دې وړاندیز سره مخالف دی او چمتو نه دی
چې اروپا ته د خپلو کارګرانو د لېږلو په بدل کې د کډوالو د منلو پر داسې شرایطو
خبرې وکړي.
نوموړي دغه څرګندونې د قرغیزستان د پارلمان د نړیوالو اړیکو، دفاع،
امنیت او کډوالۍ کمېټې په غونډه کې کړې دي.
دا په داسې حال کې ده، چې اروپایي هېوادونو له طالبانو سره د افغان
کډوالو د ایستلو په اړه خبرې اترې کړي. د بشری حقونو څار سازمان تازه له فرانسې او
ځینو نورو اروپایي هېوادونو غوښتي چې د افغان کډوالو له ایستلو ډډه وکړي.
