کابل ټریبیون (کېټي)— والسټریټ ژورنال د امریکايي چارواکو په حواله راپور ورکړی چې د امریکا ولسمشر ډونالډ ټرمپ د ایران د اووه ورځني اوربند وړاندیز رد کړی دی.
د راپور له مخې، ټرمپ خپلو سلاکارانو ته ویلي چې تمه لري د نومبر له
منځمهاله ټاکنو وروسته پر ایران هوايي بریدونه بیا پیل شي.
والسټریټ ژورنال ویلي، د ایران په وړاندیز کې د هرمز تنګي د بیا
پرانیستلو او د اټومي خبرو د بیا پیل غوښتنه شامله وه.
د راپور له مخې، ایران په بدل کې له امریکا غوښتي چې د دغه هېواد پر
بندرونو سمندري محاصره پای ته ورسوي او اقتصادي فشارونه کم کړي.
والسټریټ ژورنال د امریکايي چارواکو په حواله ویلي چې د ایران
وړاندیز د واشنګټن له لوري ونه منل شو.
د راپور له مخې، د ایران او امریکا ترمنځ د تاوتریخوالي د کمولو او د
اټومي خبرو د بیا پیل لپاره هڅې روانې دي، خو د هرمز تنګي د وضعیت او پر ایران د
امریکا د فشارونو په اړه اختلافونه لا هم پر ځای دي.
