د طالبانو د کور او ښار جوړولو وزارت وايي، تر اوسه یې ۶۵ زره او ۱۵۴ راستنو شوو افغان کډوالو کورنیو ته د کورونو جوړولو او دایمي مېشتېدو په موخه ځمکې ورکړې دي.
دغه وزارت د زمري په ۱۴مه، ۱۴۰۵، چهارشنبه په یوه خبرپاڼه کې ویلي چې
د ځمکو د وېش لړۍ لا هم د هېواد په بېلابېلو ولایتونو کې روانه ده.
د وزارت په وینا، د راستنو شوو افغان کډوالو د مېشتولو لپاره د هېواد
په ۲۹ ولایتونو کې ۶۰ ښارګوټي ځانګړي شوي دي. د
سرچینې په خبره، په ځینو ښارګوټو کې د ځمکو د وېش بهیر روان دی او په ځینو نورو کې
یې تخنیکي چارې دوام لري.
په وروستیو میاشتو کې له ګاونډیو هېوادونو څخه د افغان کډوالو د
راستنېدو له زیاتېدو سره، د دایمي مېشتېدو، سرپناه، کار او لومړنیو خدمتونو اړتیا
هم زیاته شوې ده. د راستنو شوو کورنیو لپاره د استوګنې د ځمکو برابرول د هغوی د
دایمي مېشتېدو له مهمو اړتیاوو څخه ګڼل کېږي.
