د افغانستان د فوټسال ملي لوبډله به نن، د ۱۴۰۵ کال د زمري په ۱۱مه، د کانټینینټل کپ په سیالیو کې خپله لومړۍ لوبه د کوربه تایلنډ د ملي لوبډلې پر وړاندې ترسره کړي.
د افغانستان د فوټسال ملي لوبډلې په خپله فیسبوک پاڼه کې ویلي، چې دغه
لوبه به د کابل پر وخت د ماښام په ۶ بجو پیل
شي.
افغانستان د کانټینینټل کپ په سیالیو کې له تایلنډ، ویتنام، نیوزیلنډ
او روسیې سره په یوه ګروپ کې دی او ټاکل شوې په راتلونکو ورځو کې د دغو لوبډلو پر
وړاندې هم سیالۍ ترسره کړي.
د افغانستان د روزونکي پلاوي هیله څرګنده کړې، چې ملي لوبډله به په دې
سیالیو کې ښه فعالیت وکړي او د پام وړ پایلې به ترلاسه کړي.
د کانټینینټل کپ فوټسال سیالۍ د اګست له لومړۍ تر شپږمې د تایلنډ په
کوربهتوب ترسره کېږي. په دې سیالیو کې د افغانستان، تایلنډ، ویتنام، نیوزیلنډ او
روسیې په ګډون پنځه لوبډلې برخه لري.
