د طالبانو د کانونو او پټرولیم وزارت ویاند همایون افغان وايي، سبا (دوشنبه) به د جوزجان ولایت د یتیم طاق د سیمنټو د تولیدي کارخونې د جوړولو کارونه د ۱۶۰ میلیونه امریکايي ډالرو په پانګونې سره پیل شي.
نوموړي ویلي، دغه فابریکه به په ورځني ډول د درې زره مټریک ټنه سیمنټو
د تولید ظرفیت ولري او شاوخوا ۵۰۰۰ کسانو ته به په مستقیم او غیر مستقیم ډول د کار
زمینه برابره کړي.
افغانستان په وروستیو کلونو کې د ساختماني موادو د کورني تولید د
زیاتولو هڅه کوي، څو له یوې خوا پر وارداتو تکیه کمه کړي او له بلې خوا د هېواد
دننه د کار فرصتونه زیات کړي.
د سیمنټو تولید د صنعتي ودې له مهمو برخو څخه بلل کېږي او په بېلابېلو
ولایتونو کې ورته پروژې تر غور او پلي کېدو لاندې دي.
