د محمدباقر قالیباف، د ایران د پارلمان مشر او د امریکا متحده ایالاتو سره د مذاکراتي پلاوي غړي، ویلي چې واشنګټن د فشارونو په زیاتولو او د اوربند په ماتولو سره هڅه کوي خبرې اترې د «تسلیمېدو» پر لور سوق کړي.
قالیباف ټینګار کړی چې د هغه په باور، ډونالډ ټرمپ د محاصرې او د کړکېچزیاتو اقداماتو په څېر وسیلو په کارولو سره هڅه کوي یا د مذاکراتو شرایط د ځان په ګټه بدل کړي، او یا هم د نوي احتمالي شخړې لپاره زمینه برابره کړي.
د ایران د پارلمان مشر زیاته کړې چې تهران د ګواښ تر شرایطو لاندې مذاکرات نه مني او دا ډول بهیر د ډیپلوماټیکو اصولو خلاف بولي.
هغه همدارنګه ویلي چې ایران په تېرو دوو اوونیو کې په جګړهییز ډګر کې د «نویو کارتونو» د کارولو لپاره چمتووالی نیولی، چې دا موضوع ښايي د خبرو د ناکامېدو په صورت کې د کړکېچ د کچې د لوړېدو نښه وي.
دا څرګندونې داسې مهال کېږي چې د ایران او امریکا ترمنځ تاوتریخوالی لا هم دوام لري او د دواړو لورو ترمنځ د مذاکراتو برخلیک په نامعلوم وضعیت کې دی.
