د طالبانو د صنعت او سوداګرۍ وزیر نورالدین عزیزي د یوه پلاوي په مشرۍ د مرکزي اسیا په نړیوال صنعتي نندارتون (INNOPROM) کې د ګډون په موخه د ازبکستان په رسمي بلنه دغه هېواد ته سفر کړی دی.
د دغه وزارت نن (دوشنبه) په یوه خبرپاڼه کې ویلي چې له نورالدین عزیزي
سره په دغه پلاوي کې د پنبې، ډبرو سکرو، مصالحو او کرنیزو محصولاتو د سکټورونو
شاوخوا ۶۰ شرکتونه شامل دي، چې په دغه نندارتون کې به ګډون وکړي.
ټاکل شوې دغه نندارتون د اپرېل تر ۲۲مې نېټې پورې د ازبکستان په پلازمېنه
تاشکند کې ترسره شي، چې موخه یې د صنعت او ټکنالوژۍ پراختیا او د پانګونې جلبول
دي.
په دغه نندارتون کې د
افغانستان، ازبکستان، تاجکستان، قزاقستان، قرغزستان، بیلاروس او روسیې چارواکي او
پانګوال ګډون کوي.
