په ځینو مواردو کې د شتمنیو ویجاړول، د دورو وهل او حتی د اعدام سزا هم د جرمونو د لا ډېر شمېر لپاره وړاندیز شوې ده.
د بښنې نړۍوال سازمان خبرداری ورکړی چې د دغې مقررې ځینې مادې داسې تنظیم شوي چې کېدای شي د غلامۍ د رسمیت موندلو په توګه تعبیر شي او د بشري حقونو د پراخ نقض زمینه برابره کړي.
دغه سازمان له طالبانو غوښتنه کړې چې دا مقرره ژر تر ژره لغوه یا اصلاح کړي او د بشري حقونو له نړیوالو معیارونو سره یې برابره کړي.
همداراز یې له نړۍوالې ټولنې غوښتنه کړې چې دا مقرره په څرګنده توګه وغندي او په افغانستان کې د بشري حقونو د پراخو سرغړونو د پای ته رسولو لپاره پر طالبانو فشار زیات کړي.
