د پاکستان ځانګړي استازي د افغانستان په چارو کې، محمد صادق، وايي چې د «افغانستان ـ مرکزي اسیا د بینالحکومتي همغږۍ مرکز» غونډه د دې لپاره ترسره شوه څو د پاکستان او مرکزي اسیايي هېوادونو ترمنځ اړیکې و ارزول شي.
هغه د ۱۴۰۴ لمریز کال د حوت په لومړۍ نېټه (جمعه) په خپله ایکس پاڼه
لیکلي چې په دې غونډه کې پر سوداګرۍ، ټرانزیټ او پانګونې تمرکز شوی و.
د صادق په وینا، په غونډه کې د پاکستان د بهرنیو چارو، سوداګرۍ او
مخابراتو وزارتونو لوړپوړي چارواکي، د پانګونې د اسانتیا شورا، د پانګونې بورډ او
نور اړوند بنسټونه هم ګډون کړی و.
دغه غونډه په داسې حال کې ترسره شوه چې د پاکستان او طالبانو ترمنځ د
سرحدي شخړو له امله د افغانستان او پاکستان سرحدونه څو میاشتې تړلي پاتې دي.
