په اعلامیه کې راغلي چې د ۲۰۲۵ کال په لړ کې ترسره شویو لومړنیو څېړنو پایلې ښيي هغو ښوونځیو کې چې له پوهنتونه د فارغ شويو ښوونکو شمېر زیات وي، زدهکوونک په په ځانګړې توګه د ژبې په زدهکړه کې ښه فعالیت کوي.
همدارنګه دا څېړنې ښيي چې ښځینه ښوونکې د قوي تخصصي پوهنې درلودونکې دي او د هغوی شتون د زدهکوونکو د زدهکړیزو پایلو له ښه کېدو سره مستقیمه اړیکه لري.
افغانستان کې د یونېسف استازي تاجالدین اویواله ټینګار کړی چې دا هېواد په بیړنۍ توګه ښځینه ښوونکو، نرسانو، د ټولنې پر بنسټ روغتیایي کارکوونکو او ښځینه ډاکټرانو ته اړتیا لري او د نجونو له زدهکړو محرومول د ښځو او نجونو لپاره د روغتیایي خدماتو راتلونکی په جدي خطر کې اچوي.
