د طالبانو د فراه او جوزجان امنیه قوماندانۍ وايي، په دغو دوو ولایتونو کې د بېلابېلو ترافیکي پېښو له امله دوه کسان وژل شوي او دوه نور ټپیان شوي دي.
یادو قوماندانیو نن (چهارشنبه) په جلا جلا خبرپاڼو کې ویلي، یوه پېښه د فراه ولایت د خاکسفید
ولسوالۍ د ننګآباد په سیمه کې د دوو موټرسایکلونو د ټکر له امله رامنځته شوې او
بله پېښه د جوزجان ولایت د خانقاه ولسوالۍ د شوراریغ په سیمه کې د بلخ ـ جوزجان پر
لویه لاره د یوه پریوس ډوله موټر د چپه کېدو له امله شوې ده.
د سرچینو په وینا، د دواړو پېښو لامل د موټرچلوونکو بېاحتیاطي بلل
شوې ده.
د یادونې وړ ده، چې ترافیکي پېښې هر کال په افغانستان کې لسګونه کسانو
ته مرګ ژوبله اړوي. د سړکونو خراب وضعیت، د ترافیکي اصولو نه مراعات، بېاحتیاطي
او له ټاکلي سرعته تېز موټر چلول د دغو پېښو له مهمو لاملونو څخه ګڼل کېږي.
