د طالبانو د ټولګټو وزارت وايي، د ۱۴۰۵ لمریز کال د غبرګولي میاشتې په جریان کې د افغانستان د اوسپنې پټلۍ له لارې ۷۹۷ زره او ۴۸۲ مټریک ټنه انتقالات ترسره شوي دي.
د دغه وزارت ویاند، محمد اشرف حقشناس، ویلي چې په دې انتقالاتو کې ۲
زره او ۵۱۷ مټریک ټنه صادرات د افغانستان څخه نورو هېوادونو ته لېږدول شوي او پاتې
برخه یې د نفتي او غیرنفتي توکو واردات دي، چې له بېلابېلو هېوادونو څخه افغانستان
ته انتقال شوي دي.
د حقشناس په وینا، دغه انتقالات د حیرتان، آقینې، هرات–خواف او
تورغونډۍ د اوسپنې پټلۍ له لارو ترسره شوي دي.
د طالبانو د ټولګټو وزارت وايي، د اوسپنې پټلۍ له لارې د سوداګریزو
توکو د لېږد رالېږد زیاتوالی د سوداګرۍ د پراختیا، د ترانسپورټي لګښتونو د کمېدو
او د اقتصادي فعالیتونو د پیاوړتیا لپاره مهم بلل کېږي.
