د افغانستان د بدن جوړونې او فټنس ملي لوبډله د سویلي اسیا د اتلولۍ په سیالیو کې د ګډون لپاره د ۱۴۰۵ کال د چنګاښ په ۷مه د بوتان پر لور وخوځېده.
د افغانستان د بدن جوړونې او فټنس فدراسیون ویلي، په دغو معتبرو سیمهییزو
سیالیو کې به ۱۵ افغان ورزشکاران د درې کسیز اداري پلاوي په ملتیا د هېواد
استازیتوب وکړي.
د فدراسیون په وینا، افغان ورزشکاران به د بدن جوړونې او فټنس په
بېلابېلو وزنونو او کټګوریو کې سیالۍ وکړي.
ټاکل شوې د سویلي اسیا د بدن جوړونې او فټنس اتلولۍ سیالۍ د ۱۴۰۵ کال
د چنګاښ په ۹مه د بوتان په پلازمېنه، تیمفو، کې د سیمې د نږدې لسو هېوادونو د
ورزشکارانو په ګډون پیل شي.
د یادونې وړ ده چې د افغانستان د بدن جوړونې ملي لوبډلې په وروستیو
کلونو کې په اسیايي او نړیوالو سیالیو کې د سرو، سپینو او برونزو ګڼ مډالونه ګټلي
دي او د هېواد د بریالیو ورزشي لوبډلو له ډلې شمېرل کېږي.
