د هند کرکټ غورهليګ (ایپياېل) د شلاوریزو سیالیو پایلوبه ټاکل شوې نن (یکشنبه، د غبرګولي ۱۰مه) د ګجرات ټایټنز او رویل چلېنجرز بنګلور لوبډلو ترمنځ ترسره شي.
دغه لوبه نن ماښام ۶:۳۰ بجې د هند د احمداباد ښار په نریندرا مودي
لوبغالي کې ترسره کېږي.
د هند کرکټ غورهليګ شلاوریزې سوداګریزې سیالۍ د روان کال د وري په ۸مه
د لسو لوبډلو په ګډون پیل شوې وې او نن شپه یې پایلوبه ترسره کېږي.
په دغو سیالیو کې د راشد خان اړوند ګجرات ټایټنز او رویل چلېنجرز
بنګلور لوبډلو پایلوبې ته لار موندلې ده.
د معلوماتو له مخې، سږني لیګ کې د لسو افغان لوبغاړو په ګډون له
بېلابېلو هېوادونو او خپله له هنده شاوخوا ۳۵۹ لوبغاړي د پېرلو لپاره وړاندې شوي
وو، چې له دې ډلې ۲۴۶ هندي او ۱۱۳ د نورو هېوادونو لوبغاړي وو.
همدارنګه څلور افغان لوبغاړي له وړاندې له بېلابېلو لوبډلو سره پاتې
شوي وو؛ راشد خان د ګجرات ټایټنز، عظمتالله عمرزی د پنجاب کینګز، نور احمد د چنای
سوپر کینګز او اللهمحمد غضنفر د ممبی انډینز لوبډلو سره قراردادونه لرل، چې د
خپلو لوبډلو لپاره یې ښې لوبې ترسره کړې دي.
