د نیوزیلنډ هېرالډ راپور ورکړی چې د نیوزیلنډ د دفاعي ځواکونو یو غړی د محکمې تر پوځي محاکمې لاندې دی، په داسې تور چې ګواکې یې په افغانستان کې د ماموریت پر مهال یو افغان ژباړونکی ګواښلی و.
د اکلنډ په پوځي محکمه کې د اورېدنې له مخې، تورن کس ادعا کېږي چې یاد
ژباړونکي ته ویلي و که هغه د نیوزیلنډ د دفاع له وزیر سره د خپلې مېرمنې د لېږد په
اړه اړیکه ونیسي، نو وژل کېږي به.
ژباړونکي، چې په افغانستان کې یې له نیوزیلنډي ځواکونو سره کار کړی، محکمې
ته ویلي چې ورته ویل شوي وو هغه به “په تور لېست” کې شامل او ووژل شي، او د کورنۍ
ژوند به یې هم له خطر سره مخ شي که موضوع تعقیب کړي.
تورن سرتېري دا تورونه رد کړي دي. راپور زیاتوي چې یاد پېښه شاوخوا ۱۳
کاله مخکې په افغانستان کې په یوه پوځي اډه کې شوې وه.
د محکمې د اسنادو له مخې، دغه افغان ژباړونکی د بامیان ولایت کې د بیا
رغونې د ماموریت پر مهال له نیوزیلنډي ځواکونو سره کار کاوه، چې دا ماموریت د ۲۰۰۱
کال د امریکا په مشرۍ له پوځي مداخلې وروسته ترسره کېده.
نوموړي ویلي چې د هغه مهال د امنیتي وضعیت له امله یې د خپل ژوند په
اړه جدي اندېښنه لرله، ځکه په هېواد کې وسلوالو ډلو خپل فعالیتونه پراخول او
تاوتریخوالی زیات شوی و.
محکمه وایي، دا قضیه لا هم روانه ده او تر اوسه هېڅ وروستۍ پرېکړه نه
ده شوې.
