سترې محکمې د چهارشنبې په ورځ (د کب په۲۰مه) په خپله ایکس پاڼه لیکلي چې یاد کسان د تخار ولایت د ینګيقلعه ولسوالۍ کې مجازات شوي دي.
د طالبانو د سترې محکمې په وینا، ابتدائیه محکمې له تورنو کسانو څخه څلور تنه هر یو په ۲۵ دُرو وهلو محکوم کړي وو او دوه نور تورن له یوه تر پنځو کلونو تنفیذي بند او د ۳۹ دُرو پر وهلو محکوم شوي وو.
په اعلامیه کې راغلي چې دا حکم د سترې محکمې له تایید وروسته پر تورنو پلی شوی دی.
دا په داسې حال کې ده چې طالبانو نن په بدخشان او زابل ولایتونو کې هم پنځه تنه په دُرو وهلي دي.
