هغه له طالبانو وغوښتل هغه تګلارې بدلې کړي چې د ده په وينا د «هېواد د نيمايي نفوس حذف» ته لار هواروي.
نوموړي همداراز له طالبانو وغوښتل چې د ملګرو ملتونو او بشردوستانه بنسټونو د فعاليتونو پر وړاندې د خنډونو له جوړولو لاس واخلي او ښځو ته، په ځانګړې توګه د ملګرو ملتونو ښځينه کارکوونکو ته، اجازه ورکړي چې له محدوديته پرته د ملګرو ملتونو دفترونو او اړوندو ځايونو ته لاسرسی ولري.
دغه د ملګرو ملتونو چارواکي ټينګار وکړ چې طالبان بايد د اعدام سزا او د دُرو وهلو مجازات پای ته ورسوي او خپلسري نيول او بندي کول ودروي.
ورته مهال، تورک زياته کړه چې طالبان بايد د نړۍوالو معيارونو سره سم، ټولو وګړو ته د عادلانه محاکمې تضمينونه برابر کړي.
هغه همداراز له طالبانو وغوښتل چې د بيان ازادۍ ته درناوی وکړي، پر رسنيو لګېدلي محدوديتونه لرې کړي او سانسور ته د پای ټکی کېږدي.
