یاد بنسټ د سېشنبې په ورځ( د کب په ۵مه) په خپله اعلامیه کې زیاته کړې چې دا لومړی ځل نهدی چې ملکي وګړي د زور د کارونې قرباني کېږي.
د بښنې نړۍوال سازمان د افغانستان لپاره د ملګرو ملتونو د مرستندوی ماموریت مخکیني راپور ته په نغوتې سره ویلي چې د ۲۰۲۵ کال د اکتوبر او ډسمبر ترمنځ د طالبانو او د پاکستان د پوځ ترمنځ په سرحدي نښتو کې لږ تر لږه ۷۰ ملکي وګړي وژل شوي او ۴۷۸ نور ټپیان شوي دي.
د بشري حقونو دغه بنسټ یو ځل بیا د شخړو له ټولو ښکېلو لورو غوښتي چې نړۍوالو قوانینو ته له خپلو ژمنو سره سم، د ملکي وګړو د زیان مخنیوي لپاره ټول لازم اقدامات ترسره کړي.
