د افغانستان لپاره د د ملګرو ملتونو د بشري حقونو شورا ځانګړي راپور ورکوونکي ریچارډبېنټویلي چې د خپلې وروستۍ پاکستان سفر وروسته د بشري حقونو شورا د ۶۱مې غونډې لپاره چمتووالی نیسي.
هغه جمعه د ۱۴۰۴ لمریز کال د حوت په لومړۍ نېټه پر خپلې ایکس پاڼه لیکلي چې د ۱۴۰۴ کال د حوت په اوومه نېټه به خپل ځانګړی راپور د «افغانستان کې د ښځو او نجونو د روغتیايي خدمتونو ته د لاسرسي حق» په اړه وړاندې کړي.
بېنټ زیاته کړې چې د افغانستان د بشري حقونو د وضعیت د وروستیو اندېښمنو بدلونونو په اړه به شفاهي اعلامیه هم وړاندې کړي.
نوموړي تر دې وړاندې هم څو ځله په افغانستان کې د بشري حقونو، د ښځو او نجونو د زدهکړې حق، د کار حق او پر مدني ازادیو د پراخو محدودیتونو په اړه اندېښنه څرګنده کړې ده.
هغه روان وضعیت د اندېښنې وړ، د لا خرابېدو په حال کې او د نړیوالو ژمنو ښکاره سرغړونه بللې ده.
