دغه بانک د دوشنبې په ورځ( د سلواغې په ۱۳مه) په یوې خبرپاڼه کې زیاته کړې چې دا بانکنوټونه د ۱۰، ۲۰، ۵۰، ۱۰۰ او ۵۰۰ افغانیو په ارزښتونو کې وو.
د خبرپاڼې له مخې، دا اقدام د اقتصادي راکړو ورکړو په اسانولو او د زړو بانکنوټونو په ځای د نویو اسکناسونو په راوړلو په موخه ترسره شوی دی.
د بانک مسوولانو ویلي چې بانک ژمن دی چې په دوامداره توګه زاړه او نامناسب بانکنوټونه له بازاره راټول کړي او په بدل کې یې نوي بانکنوټونه بازار ته وړاندې کړي، ترڅو وګړي خپلې ورځنۍ معاملې له ستونزې پرته ترسره کړي.
طالبانو له خلکو غوښتي چې د افغانیو بانکنوټونو په سمه توګه کارولو کې همکاري وکړي ترڅو بانکنوټونه له ټاکل شوي وخت څخه وړاندې زاړه نهشي.
