هغه د چهارشنبې په ورځ (د مرغومې په۱۰مه) په خپلې اېکس پاڼې لیکلي چې د تورم کچه ټیټه وه او د خوراکي توکو او نورو اړینو توکو بیې د سیمې د هېوادونو پرتله کمې پاتې شوې دي.
مجاهد د نړۍوال بانک د وروستي راپور په حواله زیاته کړې چې افغانستان په ۲۰۲۵ کال کې ۴٫۳ سلنه اقتصادي وده او پرمختګ تجربه کړی دی.
دا په داسې حال کې ده چې خلک د خوراکي توکو د بیو له لوړېدو، بې وزلۍ او د بېکارۍ د کچې له زیاتېدو شکایت کوي او اقتصادي وضعیت د ډېرو لپاره لا هم ستونزمن پاتې دی.
