کابل ټربیون – د افغانستان کرکټ ملي لوبډلې د اسیايي شل اوریزو سیالیو په ترڅ کې په خپل لومړی لوبه د هانګ کانګ پر وړاندې بریا خپله کړه او خپله لومړۍ بریا یې ولمانځله.
دغه لوبه پرون شپه (سې شنبه، د وږي ۱۸مه) په اماراتو کې ترسره شوه، چې د افغان لوبغاړو د ځلاندې لوبې شاهده وه.
لومړی افغانستان د لوبې پیل وکړ او په ۲۰ اورونو کې یې ۱۸۹ منډې د هدف په توګه وټاکلې.
د هانګ کانګ کرکټ لوبډله په داسې حال کې چې ۹ لوبغاړي یې له لاسه ورکړي وو، ونه توانېده ټاکلي هدف ته ورسېږي او په پای کې یې لوبه د ۹۴ منډو په توپیر افغانستان ته وبایلله.
