د طالبانو د احصایې او معلوماتو ملي اداره د هېواد په کچه د ۱۴۰۴ه ش کال د تلې میاشتې د صادراتو او وارداتو ارقام راټول او تحلیل کړي دي، چې له مخې یې په صادراتو کې ۴۵ میلیونه ډالر زیاتوالی او وارداتو کې ۶۴ میلیونه ډالر کموالی راغلی دی.
د ادارې په راپور کې راغلي چې تېره میاشت د هېواد ټول صادرات ۲۷۴.۹ میلیونه ډالر او واردات یې ۱,۱۶۸.۴
میلیونه ډالر ته رسېدلي دي. د روان کال د وږي میاشتې په پرتله، د
صادراتو ارزښت ۴۵.۱ میلیونه
ډالر زیات شوی، او په وارداتو کې د وږي میاشتې پرتله ۶۴.۲
میلیونه ډالر کموالی راغلی دی.
د یادې ادارې له مخې، په تلې میاشت کې تر ټولو زیات صادرات هند،
پاکستان، ترکیه او متحده عربي اماراتو ته شوي، او تر ټولو زیات واردات د ایران،
چین، پاکستان او متحده عربي اماراتو څخه ترسره شوي دي.
دغه راپور د هېواد د سوداګریزې او اقتصادي وضعیت د تحلیل لپاره د
طالبانو د احصایې ادارې د تازه معلوماتو پر بنسټ چمتو شوی.
