مسئولان این شفاخانه می‌گویند که این تجهیزات برای تقویت خدمات بخش عاجل بسیار مؤثر خواهد بود.
صدام حسین عرب، رییس شفاخانهٔ ولایتی بغلان، امروز چهارشنبه ۱۹ عقرب گفته که صلیب سرخ در این کمک یک‌سری تجهیزات مدرن و ضروری طبی شامل میز عملیات، دستگاه‌های سکشن، نبولایزرها، ویلچرها، تخت‌ها، ماشین‌های کوچک تولید اکسیجن و ست‌های جراحی را فراهم کرده است.
به گفتهٔ او، این تجهیزات ظرفیت خدمات‌رسانی بخش عاجل را افزایش داده و امکان ارائهٔ خدمات سریع‌تر، مؤثرتر و معیاری‌تر به بیماران را فراهم می‌سازد.
کمیتهٔ بین‌المللی صلیب سرخ در سال‌های اخیر بارها به بخش‌های مختلف صحی در ولایت بغلان کمک کرده و مسئولان صحی می‌گویند که ادامهٔ این همکاری‌ها برای رفع نیازمندی‌های عاجل شفاخانه حیاتی است.
